პროდუქტები: 2 მოზრდილი ინდაურის მკერდი; 1 ხახვი; 3-4 ს/კ ზეთი; 500 გ. ქამა სოკო; 200 გ. ნაღები; 1/8 ლ. ბოსტნეულის ნახარში; 100 გ. არაჟანი ; მარილი, წიწაკა და წვრილად დაჭრილი ოხრახუში - გემოვნებით.

მომზადება: ქამა სოკო გავრეცხოთ და ნაჭრებად დავჭრათ. წვრილად დავჭრათ ხახვი და გაცხელებულ ზეთში მოვშუშოთ, დავუმატოთ სოკო და 2-3 წუთის შემდეგ დავუმატოთ ნაღები, არაჟანი და ბოსტნეულის ნახარში, ვურიოთ და მოვადუღოთ, შემდეგ გავუწყოთ მარილი და წიწაკა და გავაგრძელოთ ხარშვა. ინდაურის ხორცი გავრეცხოთ, გავაშროთ და პატარა ნაჭრებად დავჭრათ. ტაფაზე დავასხათ ზეთი და შევწვათ ორივე მხარეს, შეწვისას მოვაყაროთ მარილი და წიწაკა. ლანგარზე ამოვიღოთ შემწვარი ინდაურის მკერდი, სოკოსთან და ბრინჯთან ერთად, ზემოდან კი მოვაყაროთ წვრილად დაჭრილი ოხრახუში.